WATCH: Mag live-in partner arestado sa buy-bust operation sa Caloocan
Kapwa timbog sa ikinasang drug buy bust operation ang mag-livein partner sa Barangay 37, lungsod ng Caloocan.
Nakilala ang mga sinasabing tulak ng droga na sina Iris Gili, 36 na taong gulang at Randy Amio, 36 na taong gulang na parehong residente sa nabanggit na lugar.
Narekober ng mga otoridad mula sa mga suspek ang pitong sachet na naglalaman ng hinihinalang shabu, mga drug paraphernalia, digital weighing scale, at isang libong pisong buy bust money.
Kasalukuyang nakakulong ang mga suspek sa Caloocan City Police at mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.