Pagpapasara sa Boracay sisimulan sa April 26 base sa rekomendasyon ng DENR, DILG at DOT

Sa April 26 magsisimula ang pagpapasara sa isla ng Boracay na tatagal ng anim na buwan.

Ayon kay DILG Assistant Secretary for Plans and Programs Epimaco Densing III ang pasya hinggil sa petsa ng pagsisimula ng closure sa Boracay ay naisapinal kagabi.

Ayon kay Densing nakahanda ang liham na nagrerekomenda kay Pangulong Rodrigo Duterte na ipasara ang Boracay sa lahat ng foreign at local tourists mula April 26, 2018.

Ang naturang letter-recommendation ay ipadadala sa office of president sa pamamagitan ni Executive Secretary Salvador Medialdea.