Kilu- kilong cocaine, naka-tape sa hita ng Jamaican flight crew na papasok sana sa US
Arestado US Customs ang isang flight crew ng commercial flight mula Jamaica matapos madiskubre ang nasa apat na kilo ng cocaine na idinikit nito sa kanyang hita.
Ayon sa statement mula sa US Customs and Border Protection, nadiskubre ang kilu-kilong cocaine sa crew member ng Fly Jamaica Airways mula Montego Bay, nang lumapag ito sa JFK International Airport.
Natagpuan ang droga nang isalang sa inspeksyon ang suspek sa isang private search room.
Dito, nadiskubre ang cocaine na naka-tape sa kanyang magkabilang hita.
Tinatayang aabot sa $160,000 ang halaga ng nasabat na cocaine ng US Customs sa suspek na nahaharap sa kasong federal narcotics smuggling sa Amerika.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.