Ito ang himutok ni Pangulong Rodrigo Duterte sa kanyang buhay mula nang naupo siya bilang pangulo ng bansa.
Ayon sa pangulo hindi siya basta maaring makalabas ng bahay sa Malakanyang dahil sa kontrolado ng Presidential Security Group (PSG) ang kanyang mga galaw.
Pabiro ring sinabi ng pangulo na naiinis siya sa mga multo sa Malakanyang dahil walang pinipiling oras ang paglabas.
Kahit aniya araw ay nagpapakita ang mga multo sa Malakanyang.
“Hindi ako makalabas. Diyan lang ako sa bahay ko, across the river. Magpunta kayo doon tignan ninyo. Wala nga, wala nga po. Tanungin ninyo mga…Kwarto ko? ‘Yan. ‘Yang diyang stage na ‘yan pati ‘yun, ‘yun box. Malaki na ‘yun,
kalahati nitong sa likod. Hindi ako nagpapa-drama, gusto ko ‘yun. Sa, doon sa Malacañan. Mga walang-hiya ang mga multo doon maski araw ang p***** i** lumalabas,” ayon sa pangulo
Kasabay nito naglabas din ng hinaing ang pangulo dahil hindi rin siya makapang-babae sa pangambang mahawaan siya ng aids.
Samantala, walang schedule ngayong araw ang pangulo pero mayroong regular press briefing kasama si Presidential Spokesperson Harry Roque.