Cycling champion na si Pepito Calip patay sa pamamaril sa Pangasinan

Patay ang dating Marlboro Tour Champion na si Pepito Calip sa pamamaril sa harap ng kanyang bahay sa Binalonan, Pangasinan.

Nakikipagkwentuhan lamang si Calip sa kanyang kapitbahay sa Barangay Limmansangan alas-6:35 ng umaga noong Lunes nang tambangan siya ng dalawang suspek.

Nagtamo ng tama sa tyan si Calip na isa ring retiradong pulis.

Naisugod pa sa ospital sa Urdaneta City ang biktima pero idineklara siyang dead on arrival.

Ayon kay PO2 Heribert Plares, imbestigador ng Binalonan PNP Station, inaalam pa nila ang motibo at pagkakakilanlan ng mga suspek na tumakas sakay ng getaway vehicle.