Mag-asawa patay, binaril sa loob ng kanilang bahay sa Quezon City
Patay ang mag-asawa makaraang pagbabarilin sa loob mismo ng kanilang bahay sa Manondo Compund, Lanszones Street, Barangay Payatas B sa Quezon City.
Kinilala ang mga biktima na sina Roberto Cuyo, 35 anyos at misis nito na si Rosabel Cuyo.
Ayon sa mga kapitbahay ng mag-asawa, kaninang pasado alas 12:00 ng hatinggabi ay nakarinig sila ng tatlong magkakasunod na putok ng baril na nasundan ng isa pa.
Umaga na nang madiskubre ang duguan at wala nang buhay na katawan ng mag-asawa na magkatabi pang nakahiga sa kanilang kama.
Narekober naman ng mga otoridad ang mga shabu parapernalia, mga basyo ng bala at slug ng kalibre 45 sa bahay ng mag-asawang Cuyo.
Dahil dito, hinihinala ng mga pulis na may kinalaman sa onsehan sa droga ang pagpatay sa dalawa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.