Dismissal order sa kasong ilegal na droga laban kay Kerwin Espinosa at iba pang drug lord binawi na ng DOJ

Binawi na ni Justice Secretary Vitaliano Aguirre II ang naunang desisyon ng National Prosecuton Service na nagdidimiss sa kasong drug trafficking laban kay Kerwin Espinosa, Peter Lim at iba pang hinihinalang drug lord.

Sa pulong balitaan sa Malakanyang sinabi ni Aguirre na nagpalabas na siya ng kautusan kahapon na wide open na ngayon ang imbestigasyon sa panig ng akusado at ng mga pulis.

Ibig sabihin maari na aniyang magpasa ng mga ebidensya ang magkabilang partido.

Maituturing na rin aniyang moot o wala nang saysay ang inihaing motion for reconsideration ng Criminal Investigation and Detection Group (CIDG).

Ayon kay Aguirre, nananatili ngayon sa kulungan si Espinosa at ang iba pang akusadong drug lord.