8 arestado matapos mahulihan ng ilegal na droga sa Quiapo, Maynila

Walong lalaki ang naaresto makaraang mahulihan sila ng ilegal na droga habang nagsusugal sa Quiapo, Maynila.

Isinagawa ang operasyon base sa sumbog ng isang concerned citizen sa mga tauhan ng Barbosa Police Community Precinct.

Nakuha mula sa mga suspek ang 14 na sachet ng hinihinalang shabu.

Tinatayang aabot sa P7,000 ang halaga ng mga nasabat na ilegal na droga.

Sa walong naaresto, tatlo sa kanila ay dati nang nakasuhan kaugnay sa illegal drugs.

Ang dalawang iba pa ay nasa drugs watchlist habang ang isa ay mayroong kaso ng pagnanakaw.

Nakakulong sa Manila Police District Station 3 ang mga suspek.