Mindanao apektado ng extension ng LPA; habang easterlies pa rin ang umiiral sa nalalabing bahagi ng bansa

Apektado ng extension ng Low Pressure Area ang Mindanao habang easterlies pa rin ang nakaaapekto sa nalalabing bahagi ng bansa.

Sa weather forecast ng PAGASA ang mga rehiyon ng Caraga, Davao, SOCCSKSARGEN at Zamboanga Peninsula ay makararanas ngayong araw ng kalat-kalat na pag-ulan at isolated thunderstorms dahil sa extension ng LPA na nasal abas pa ng bansa.

Maari itong magdulot ng pagbaha at landslides dahil sa mararanasan na katamtaman hanggang sa malakas na buhos ng ulan.

Samantala, sa Metro Manila at sa nalalabi pang bahagi ng bansa, bahagyang maulap na papawiril ang mararanasan na mayroong isolated na pag-ulan dahil sa localized thunderstorms.