Pinayuhan ni Vice President Leni Robredo si Pangulong Rodrigo Duterte na huwag idaan sa init ng ulo ang pagkalas sa International Criminal Court (ICC).
Matatandaang idineklara ng pangulo ang pagkalas sa ICC dahil sa mga umano’y pag-atake nito sa kanya at sa giyera ng administrasyon kontra iligal na droga.
Samantala, sinabi naman ni Robredo na hindi sumama ang kanyang loob sa hindi pag-imbita sa kanya ni Duterte sa tanghalian kasama ang Philippine Military Academy (PMA) Cadets.
Sa talumpati ng pangulo sa graduation rites sa PMA, ipinahayag niya na magkaibigan sila ng pangalawang pangulo.
Ito ang kauna-unahang pagkakataong nagkasama ang dalawang mataas na opisyal ngayong taon.
MOST READ
LATEST STORIES