Ayon kay Dingras Police Station chief, Superintendent Relly Arnedo, nanggaling ang impormasyon tungkol sa operasyon ng limang mga suspek matapos itong ireport ng isang concerned citizen.
Aniya pa, modus ng mga suspek ang pagsasagawa ng sabong habang ito ay naka-livestream, kung saan maging mga dayuhan sa Las Vegas ay nakikiisa sa taya.
Nakumpiska mula sa mga suspek ang dalawang camera, dalawang tripod, isang monitor, apat na mga modem, at iba pang mga computers wires.
Depensa ng isa sa mga suspek, hindi nila alam na iligal pala ang kanilang ginagawa. Aniya, sinabi ng isa sa mga empleyado ng sabungan na isang online promotion lamang ang kanilang ginagawa para sa mga dayuhan.
Dahil dito ay mahaharap ang mga arestadong suspek sa kasong paglabag sa Anti-Illegal Gambling Law in relation to Cybercrime Law.