DSWD maglulunsad ng caravan para sa kababaihan

Nakatakdang ilunsad ng Department of Social Welfare and Development (DSWD) ang isang advocacy and information campaign para sa mga kababaihan.

Sa Barangay Bagong Silangan, Quezon City isasagawa ang tinawag na Information and Serbisyo Caravan.

Layon nito na maiangat ang kamalayan ng mga kababaihan sa mga mahihirap na komunidad ukol sa kanilang mga karapatan.

Ipapaalam din sa mga kababaihan kung saan sila maaring magsumbong o dumulog kung sila ay biktima ng harassement o kahit anong uri ng pang aabuso.

Ngayon ay ginugunita ang National Women’s Month na may temang, “We Make Change Work for Women” at sa DSWD ay alinsunod ito programa ng gobyerno na “Malasakit at Pagbabago.”