Dalawa sugatan sa banggaan ng dalawang SUV sa Taytay

By Donabelle Dominguez-Cargullo March 14, 2018 - 10:16 AM

Photo Credit: Office of the Mayor – Taytay, Rizal

Sugatan ang dalawang katao makaraang magkabanggaan ang dalawang SUV sa Ortigas Extension sa Taytay Rizal.

Sangkot sa aksidente ang isang Ford Expedition at Isuzu Trooper.

Sa inisyal na imbestigasyon ng Taytay Police office, naganap ang aksidente alas 6:20 ng umaga ng Miyerkules sa tapat ng Montevista Heights Subdivision.

Photo Credit: Office of the Mayor – Taytay, Rizal

Pa U-turn sana sa lugar ang Isuzu Trooper pero mabilis ang dating ng For Expedition patungo sa bahagi ng Tikling.

Agad namang isinugod sa Manila East Hospital ang driver ng dalawang sasakyan na kapwa nagtamo ng sugat sa katawan.

Patuloy ang imbestigasyon ng pulisya sa aksidente at kabilang sa bubusisiin ay ang CCTV footages sa lugar.

 

 

 

 

 

 

 

 

 

TAGS: Ford Expedition, Isuzu Trooper, Ortigas Extension, road accident, suv, taytay rizal, Ford Expedition, Isuzu Trooper, Ortigas Extension, road accident, suv, taytay rizal

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.