2 sugatan sa banggan ng van at truck sa Quezon

Sugatan ang dalawang indibidwal sa aksidenteng naganap sa Maharlika Highway sa Candelaria, Quezon, Martes ng madaling araw.

Naganap ang aksidente sa pagitan ng isang van at isang 10-wheeler truck sa highway na sakop ng Barangay Malabanan.

Ayon sa Munisipal Disaster Risk Reduction and Management Office (MDRRMO) ng Candelaria, alas 2:45 ng madaling araw nangyari ang bangaan ng Isuzu Elf Van at ng truck.

Sa lakas ng banggaan kapwa wasak na wasak ang unahang bahagi ng truck at van.

Inaalam pa ng mga otoridad kung sino ano ang naging ugat ng head collision ng dalawang sasakyan.