Rollback sa produktong petrolyo, epektibo na

Epektibo ngayong araw ang ipapatupad na oil price rollback ng mga kumpanya ng langis.

Sa abiso ng mga oil companies tulad ng Pilipinas Shell, Petron, PTT, Flying V, Phoenix Petroleum, UniOil, Jetti, at Total ay mababawasan ng P0.55 ang halaga ng diesel. P0.35 naman ang tapyas sa presyo ng gasolina, at P1.20 para sa kerosene o gaas.

Ipapatupad ng mga naturang kumpanya ng langis ang bawas-singil sa mga produktong petrolyo simula alas-6 ng umaga.

Samantalang kaninang alas-12 ng hatinggabi nagsimulang ipatupad ng Eastern Petroleum at SeaOil ang kanilang bawas-presyo.

Ayon sa Department of Energy (DOE), bunsod ng patuloy na malikot na galaw ng halaga ng mga produktong petrolyo sa world market ang pagbaba ng halaga ng langis sa bansa.