Panawagang magbitiw sa pwesto si CJ Sereno, sinabayan ng silent protest ng kaniyang mga tagasuporta

Habang nagsasagawa ng flag raising sa Korte Suprema at nananawagan ang mga empleyado ng pagbaba sa pwesto ni Chief Justice Maria Lourdes Sereno, nagsagawa naman ng silent protest sa labas ng SC ang kaniyang mga tagasuporta.

Sa kahabaan ng Padre Faura Street maagang nagtipon-tipon ang mga sumusuporta sa punong mahistrado.

Panawagan nila, panatilihin ng hudikatura ang pagpapairal sa rule of law at huwag magpapadala sa bugso ng damdamin.

Una nang unang inakusahan ng kampo ni Sereno ang ilang Supreme Court justices at ang pinuno ng Philippine Judges Association na si Judge Felix Reyes na siyang pasimuno umano sa pagpapaikot ng manifesto para patalsikin ang punong mahistrado sa puwesto.