Welcome para kay House Deputy Speaker at Batangas Rep. Raneo Abu ang pagging miyembro ng private prosecution team ni dating Senate President Juan Ponce Enrile laban kay Chief Justice Maria Lourdes Sereno.
Ayon kay Abu, malaking tulong sa kamara ang pagiging presiding judge ni Enrile sa impeachment ni dating CJ Renato Corona upang maipa-convict si Sereno.
Bukod pa rito aniya ang pagiging eksperto ni Enrile sa Saligang Batas.
Tinawag pa ni Abu na isa sa legal giants ng bansa si Enrile dahilan upang maging kumpyansa ang Kamara na mapapatalsik ang punong hukom.
Sinabi naman ni House Justice Committee Chair Reynaldo Umali na malaking tulong sa prosecution team si Enrile partikular sa paggawa ng mga estratehiyang legal gayundin ang pagbibigay ng mataas na kalidad ng legal services.