Con-Com en banc pagbobotohan na ang mga probisyon laban sa mga political dynasties ngayong linggo

 

Nakatakdang magbotohan bukas, araw ng Lunes, ang Consultative Committee (Con-Com) en banc tungkol sa tatlong key provisions sa pagpigil ng pamamayagpag ng mga political dynasties sa Pilipinas.

Sa isang pahayag, sinabi na pagbobotohan ng en banc ang tatlong self-executing constitutional provisions.

Kabilang sa mga probisyong pag-uusapan ang pagbabawal ng hanggang sa second-degree relatives na tumakbo sa gobyerno.

Pag-uusapan rin kung gaano kalawak ang pagpapatupad ng nasabing mga probisyon. Ayon sa en banc, posible kasi itong ipatupad sa national, regional, local, o barangay level.

Huling pag-uusapan kung maaari bang sunod na takbuhan ng hanggang sa second degree relative ang nabakanteng posisyon ng kanilang kamag-anak.