Unit sa 20th floor ng isang gusali sa Maynila nasunog

Tinupok ng apoy ang isang unit sa ika-20 palapag ng gusali sa Arroceros, Maynila.

Nasunog ang Room 2003 ng Zen Tower Building pasado ala 1:00 ng hapon ng Biyernes.

Umabot sa ikatlong alarma ang sunog at naideklarang fire out ala 1:57 ng hapon.

Wala namang nasaktan o nasugatan sa insidente.

Inaalam pa ng Manila Fire kung ano ang pinagmulan ng sunog.