6 na BIFF members patay sa bakbakan sa Maguindanao

Umabot na sa anim ang nasawi sa bakbakan sa pagitan ng Bangsamoro Islamic Freedom Fighters (BIFF) at mga otoridad sa Datu Saudi-Ampatuan, Maguindanao.

Ang nasabing bakbakan ay nagsimula Huwebes pa ng umaga.

Ang anim na nasawi ay pawang miyembro ng BIFF.

Naka-engkwentro ng mga tauhan ng 2nd Mechanized Battalion ng Philippine Army ang nasa 50 miyembro ng BIFF sa ilalim ng pamumuno ng isang “Kumander Peni”.

Dahil tumagal ang bakbakan kahapon nagpadala ng dalawang helicopters ang Philippine Air Force para tumulong sa mga nakikipaglabang sundalo.