COMELEC, tiniyak na hindi kukunsintehin ang hinihinalang dayaan sa halalan
Tiniyak ng COMELEC sa publiko na hindi nila pagtatakpan ang kanilang mga empleyado na sangkot sa umano’y dayaan sa 2016 elections.
Reaksyon ito ni COMELEC Commissioner Rowena Guanzon sa ibinunyag ni Sen. Tito Sotto na umano’y iregularidad sa automated balloting system.
Ayon kay Guanzon, nais nilang malaman at makumpirma ang detalye ng naturang isyu para maimbestigahan ang mga tauhan ng COMELEC.
Mahalaga anya na patas, tapat at credible ang halalan kaya kung may taong guilty ay dapat na makulong.
Dagdag ni Guanzon, napag-usapan sa COMELEC en banc ang expose ni Sotto at iimbestigahan nila ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.