Unemployment rate sa bansa bumaba sa unang buwan ng taong 2018
Bumaba ang unemployment rate sa bansa noong Enero 2018 kumpara sa datos na naitala noong Enero 2017.
Sa Labor Force Survey (LFS) na isinagawa ng Philippine Statistics Authority (PSA), 5.3% ang naitalang unemployment rate noong January 2018, mas mababa kumpara noong January 2017 na umabot sa 6.6%.
Gayunman, nakapagtala ng mahigit 2% na pagtaas sa underemployment rate ang PSA.
Mula kasi sa 16.3% na underemployment rate noong January 2017 ay nakapagtala na ng 18% ngayong January 2018.
Ayon sa PSA, maituturing na underemployed ang isang mangagagawa kung nais nitong magkaroon ng dagdag na oras sa kasalukuyang trabaho o di kaya ay nais niyang magkaroon pa ng karagdagang trabaho.
Nasa 94.7% naman ang naitalang employment rate ng PSA na bahayang mas mataas sa 93.4% noong nakaraang taon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.