Panukalang BBL posibleng makalusot na sa komite sa Kamara ngayong buwan

By Erwin Aguilon March 07, 2018 - 08:57 AM

Presidential Photo

Umaasa si Anak Mindanao Rep. Makmod Mending na maipapasa na ng tatlong komite sa Kamara ang panukalang Bangsamoro Basic Law o BBL bago ang kanilang Lenten Break.

Ayon kay Mending, dalawang konsultasyon na lamang ang kailangang gawin ng House Committee Local Government, Committee on Peace, Reconciliation and Unity at Committee on Mindanao Affairs.

Matapos ito ay isasapinal na aniya nila ang kopya ng BBL na kanilang pagbobotohan.

Ang BBL ay naglalayong magtatag ng Bangsamoro Region sa Mindanao na papalit sa bubuwaging Autonomous Region in Muslim Mindanao.

Nauna nang isinulong ng Administrasyong Aquino ang BBL bilang bahagi ng usapang pangkapayapaan sa Moro Islamic Liberation Front (MILF) subalit hindi naaprubahan sa kongreso dahil sa naganao na Mamasapano encounter na ikinasawi ng SAF 44.

 

TAGS: BBL, house of representative, Radyo Inquirer, BBL, house of representative, Radyo Inquirer

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.