Cebu Pacific, nag-abiso ng delayed at cancelled flights
Inabisuhang muli ng Cebu Pacific o CebuPac ang kanilang mga pasahero na mayroon pa ring mga delay at cancelled flights ngayong Linggo at sa mga darating na araw.
Ito’y kahit pa “fully functional” o natapos na ang system upgrade ng kumpanya.
Ayon sa CebuPac, humihingi sila ng paumanhin sa mga pasahero nila na ma-aaberya ng mga delayed at cancelled flights.
Pero paliwanag ng CebuPac, ang system upgrade ay layong mas ma-improve ang kanilang serbisyo.
Pinayuhan naman ng low-cost carrier ang mga pasahero na hintayin ang update ukol sa kani-kanilang mga flight.
Noong October 1, sinimulan ng CebuPac ang system upgrade, gayunman, nagdulot ito ng kabi-kabilang delayed at kanseladong flights na ikinainis ng libo-libong mga pasahero.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.