Binigyan ng pagkilala sa Camp Crame ang 2 Pulis Maynila.
Tumanggap ng “Medalya ng Sugatang Magiting” si PO1 Jester Versoza habang “Medalya ng Kagalingan” ang iginawad kay PO2 Mel Bautista.
Si Versoza ang pulis na inundayan ng saksak sa Sampaloc, Maynila at binaril ang suspek pero hindi nya iniwan ang sumaksak sa kanya at sa halip ay naghintay ng mga tao na magdadala dito sa hospital.
Habang si Bautista naman ang pulis-Maynila na kahit naka-off duty ay rumesponde sa isang krimen sa Moriones.
Sakay sa kaniyang motorsiklo kasama ang kaniyang asawa at 7-anyos na anak na babae, hinabol ni Bautista ang snatcher na nanghablot ng cellphone ng isang estudyante.
Samantala, nagpasalamat naman ang dalawa sa pagkilalang iginawad sa kanila.
Anila, dahil sa medalya ay mas gaganahan pa silang tuparin ang kanilang tungkulin.