Sumbong na may dalawang senior citizen na pinaalis sa DFA satellite office sa Cubao iniimbestigahan ng DFA

Iniimbestigahan ng Department of Foreign Affairs ang kaso ng dalawang senior citizen na naga-apply ng pasaporte sa satellite office sa Cubao ngunit pinaalils dahil puno na ang application slots.

Dumating ang dalawang senior citizen sa Ali Mall sa Quezon City bago mag-alas-10:00 ng umaga, bago pa man ito magbukas.

Gayunman, puno na umano ang 50 passport application slot para sa walk-in applicants kaya pinababalik na lamang sila.

Ayon kay Assistant Secretary Frank Cimafranca, inatasan niiya na ang mga opisyal sa DFA satellite office para ipaliwanag ang insidente.

Sinabi ni Cimafranca na dapat ay na-accomodate ang dalawang senior citizen na pumunta bago pa man magbukas ang mall.

Dagdag ng opisyal, dapat na pinadaan sila sa courtesy lane para sa senior citizens.