Bumaba ang business sector optimism sa unang tatlong buwang ng taon.
Bunsod ito ng pagpapatupad ng reporma sa buwis, batay sa pinakahuling Busines Expectations Survey ng Bangko Sentral ng PIlipinas.
Mula sa 43.3% noong huling quarter ng 2017, bumaba sa 39.5% ang overall confidence index, ayon kay BSP director for Economic Staistics Rosabel Guerrero.
Ipinahayag ni Guerrero na ikinabahala ng mga kompanya ang epekto ng Tax Reform for Acceleration and Inclusion (TRAIN) law sa presyo ng bilihin.
Sa kabila nito, nanatili pa rin aniyang positibo ang confidence index.
Dagdag ng opisyal, marami rin naman ang nagpahayag ng positibong epekto ng reporma sa buwis.
Ayon kay BSP Deputy Governor Diwa Guinigundo, halimbawa nito ang mas mababang income tax, pagtaas ng productive capacity, at mas maraming imprastruktura.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.