Hindi naging madugo ang unang buwan ng pagbabalik ng Oplan Tokhang ng Philippine National Police (PNP).
Katunayan ayon kay PNP Spokesman C/Supt. John Bulalacao, simula January 29 hanggang March 1 ngayong taon, wala pang napapatay sa kanilang operasyon na naglalayong mapasuko ang mga drug suspects.
Sa record ng Directorate for Operations, nasa 3,173 na ang drug personalities sa buong bansa ang sumuko sa PNP.
Pinakamarami sa mga sumuko ay mula sa Region 10 na mayroong 405 drug surrenderers na sinundan nanan ng National Capital Region na may 240 drug surrenderers.
Sa kabuuan, nasa 5,543 na ang ikinasang Tokhang activities ng PNP.
Samantala, bagaman nananatiling “bloodless” ang Tokhang, umabot naman sa 102 ang bilang ng mga drug personalities ang napatay sa iba’t ibang anti-criminality campaign ng mga pulis na pawang sinasabing nanlaban.
WATCH:
