Unang araw ng fire prevention month, isang apartment sa Malabon, tinupok ng apoy

Sa unang araw ng fire prevention month, nakapagtala agad ng insidente ng sunog sa Malabon.

Isang apartment ang nasunog sa bahagi ng Barangay San Agustin sa Malabon City na tumagal lang ng mahigit 30-minuto.

Ayon sa Malabon Fire Department, nagsimula ang sunog pasado alas 4:00 ng umaga na umabot lang sa unang alarma.

Iniimbestigahan pa kung ano ang pinagmulan ng apoy at wala ring ibang bahay na nadamay sa sunog dahil mabilis itong naapula ng mga bumbero.

Alas 4:49 ng umaga ay naideklarang under control na ang sunog.

Inaalam pa ng fire bureau kung magkano ang halaga ng natupok na mga ari-arian.