Operasyon ng Sayak Airport sa Siargao, balik-normal na

Balik-normal na ang operasyon ng Sayak Airport sa Siargao, Surigao del Norte.

Pansamantalang ipinasara ng Civil Aviation Authority of the Philippines ang paliparan makaraang mag-overshoot sa runway ang eroplano ng Skyjet kahapon.

Ayon kay Gilber Ortojan, manager ng Skyjet Airlines-Siargao, pa-take off na ang eroplano nang bigo itong lumipad dahil sa birdstrike.

Natagpuan namang patay ang dalawang ibon sa runway.

Ligtas naman ang 73 pasaherong sakay ng flight M8-421.