Tinupok ang isang residential area sa Agno Street, Barangay Tatalon sa Quezon City.
Nagsimula ang sunog bago mag alas 4:00 ng madaling araw na agad iniakyat sa 5th alarm.
Ayon sa Quezon City Fire Department aabot na sa mahigit 100 mga bahay ang naapektuhan ng sunog.
Halos katapat lamang ng Sto. Domingo Church ang mga bahay na nasunog.
Dahil sa nasabing sunog, pansamantalang hindi nadaanan ang bahagi ng Quezon Avenue bago dumating ng Araneta Avenue patungong elliptical road.
Napuno kasi ng truck ng bumbero ang kalsada.
Aabot sa P1 milyon ang halaga ng mga nasunog na ari-arian. Sinasabing naiwang charger ng cellphone na nakasaksak ang pinagmulan ng apoy.
Pasado alas 7:30 ng umaga ay naideklara nang fire out ang sunog.