Alert level 1 itinaas sa Marikina River
Itinaas na ng lokal na pamahalan sa Marikina City ang alert level 1 sa Marikina river matapos umabot sa 15 meters ang antas ng tubig sa ilog.
Sa abiso ng Marikina City Government, 8:05 ng umaga, nang itaas ang alarma sa alert level 1 dahil sa nararanasang patuloy na pag-ulan sa Metro Manila.
Apat na alerto ang pinaiiral ng city government sa Marikina river kapag ganitong masama ang panahon.
Itinataas ang alarm level 1 kapag umabot na sa 15 meters above sea level ang antas ng tubig sa ilog na ang ibig sabihin ay ‘babala’ o ‘warning’.
Alarm level 2 naman naman kapag umabot na sa 16 meters above sea level ang antas ng tubig sa ilog at ang katumbas naman ng alarma ay ‘maghanda’ o ‘prepare’.
Alarm level 3 kung ang water level sa Marikina river ay nasa 17 meters above sea level na, at sa puntong ito ay kailangan nang ‘lumikas’ ng mga residente.
Ang ika-apat na alarma ay critical level, o kapag umabot na sa 18 meters ang antas ng tubig kung saan magpapatupad na forced evacuation.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.