Pinangunahan ni South Korean President Moon Jae-in ang closing ceremonies sa tinaguriang ‘peace games’ kung saan naging tampok ang magagandang sayawan, kantahan at fireworks display sa seremonya.
Dinaluhan ang okasyon ng hindi bababa sa 35,000 manonood kabilang na ang ilang personalidad tulad nina US Presidential daughter Ivanka Trump.
Naging tampok rin sa seremonya ang muling pagmamartsa ng mga atleta mula sa North at South Korea nang sama-sama na bihirang maganap sa gitna ng tensyon sa pagitan ng dalawang bansa.
Sa kanyang talumpati, sinabi ni President Moon na bagamat nagtapos na ang winter games, magpapatuloy ang selebrasyon ng kapayapaan hanggang sa 2020 Tokyo Olympic Winter Games at 2022 Olympic Winter Games na isasagawa naman sa Beijing.