Kilalang vlogger gumaling sa cancer dahil sa marijuana

Inamin ng kilalang video blogger na si Wil Dasovich na malaking tulong sa kaniyang paggaling mula sa sakit na colon cancer ang medical marijuana.

Sa isang panayam, ibinahagi ni Wil kung paano naging parte ng kaniyang gamutan ang marijuana.

Kwento ng vlogger, inirekomenda ng mga doktor ang paggamit ng marijuana maliban sa pagsailalim sa chemotherapy.

Nakatulong aniya ang marijuana sa kaniyang pagkain dahil kapag dumadaan aniya sa chemotheraphy ay mawawalan ng gana ang pasyenteng kumain dahil hindi nagiging masarap ang lahat ng pagkain.

Dahil dito, maituturing aniya bilang isang miracle drug ang marijuana para sa mga katulad niyang cancer patient.

Matatandaang noong Agosto ng nakaraang taon unang na-diagnose si Wil ng naturang sakit.