Mag-asawang suspek sa pagpatay kay Joanna Demafelis tukoy na ayon sa OWWA

Tukoy na ng mga otoridad ang mag-asawang iniuugnay sa pagpatay sa overseas Filipino worker (OFW) na si Joanna Demafelis sa Kuwait.

Ipinahayag ito ni Overseas Workers Welfare Adminstration (OWWA) Administrator Hans Leo Cacdac sa isang panayam.

Hindi lamang agad pinangalanan ng opisyal ang mag-asawa na Arabic ang mga pangalan.

Tinutugis ngayon ng international police (Interpol) ang Lebanese na lalaki at Syrian na babae.

Nadiskubre ang bangkay ni Demafelis sa loob ng isang freezer sa abandonadong apartment ng mag-asawa sa Kuwait dalawang linggo ang nakalipas.