Ilang lansangan sa QC at Caloocan sasailalim sa repair ngayong weekend

By: Dona Dominguez-Cargullo - 7 years ago

Ilang lansangan sa Quezon City at Caloocan ang maaapektuhan ng isasagawang road reblocking ng Department of Public Works and Highways (DPWH) ngayong weekend.

Sa abiso ng Metropolitan Manila Development Authority (MMDA), magsisimula ang road repair alas 11:00 ng gabi ng Biyernes (Feb. 23).

Kabilang sa maaapektuhang lansangan ang mga sumusunod:

QUEZON CITY:

Visayas Avenue sa harap ng Department of Agriculture (DA), outer lane
EDSA mula Roosevelt LRT station hanggang Seminary Road, 5th lane
Congressional Avenue Extension kanto ng Tandang Sora Avenue, 1st lane
Congressional Avenue mula Cagayan Street hanggang Culiat Bridge, 3rd lane
Quirino Highway mula Pagkabuhay Road hanggang Kingspoint, inner lane

CALOOCAN:

Bonifacio Monumento Circle, 3rd lane

Ayon sa MMDA, matatapos ang repair alas 5:00 ng umaga sa Lunes, February 26.