Apat arestado sa magkakahiwalay na operasyon sa Muntinlupa
Arestado ang apat katao sa magkahiwalay na operasyon ng mga otoridad sa Muntinlupa City.
Unang naaresto sa buy-bust operation sa National Road, Brgy. Putatan sina Ronan Viyar, 39 taong gulang, at Danilo Tagle, 43 taong gulang, parehong nakatira sa lugar.
Nahulihan sila ng dalawang plastic sachet na naglalaman ng hinihinalang shabu, isang granada, at P2,500 na buy-bust money.
Sa hiwalay namang operasyon sa San Guillermo St., Brgy. Putatan, nahuli ang 35-anyos na tricycle driver na si Jose Recato at ang 50-anyos na beautician na si Michael Ferrer.
Hindi naman binanggit ni SPO1 Psylo Joe Jimenez ng Muntinlupa Police kung may nasabat o wala na droga kina Recato at Ferrer.
Inihahanda na ang kaukulang kasong isasampa laban sa mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.