Pangulog Duterte bibisita sa burol ng Pinay na natagpuan sa freezer sa Kuwait

Bibisitahin ni Pangulong Rodrigo Duterte ngayong araw ang burol ni Joanna Demafelis.

Ang mga labi ni Demafelis ay nakaburol sa Sara, Iloilo.

Una nang sinabi ni Presidential Spokesperson Harry Roque na bukod sa naitulong na ng Overseas Workers Welfare Administration (OWWA) ay maaring magpaabot pa ng tulong ang pangulo sa pamilya ng OFW.

Ang sinapit ni Demafelis at iba pang OFWs na naabuso sa Kuwait ang dahilan kung bakit nagpasya si Pangulong Duterte na ipatupad na ang deployment ban sa nasabing bansa.

Matapos ang gagawing pagbisita sa burol ni Demafelis, magtutungo naman ang pangulo sa “Tienda Para sa mga Bayani” sa Camp Hernandez sa Dingle, Iloilo.