Nagbabala si Pangulong Rodrigo Duterte na maliban sa Kuwait ay maari ding ipatupad ang deployment ban sa iba pang mga bansa.
Ayon sa pangulo, ito ay kung patuloy na nakararanas ng pang-aabuso ang mga Pinoy workers sa kamay ng nga dayuhang amo.
Sinabi ng pangulo na wala siyang balak na magpadala ng mga manggagawa sa ibayong dagat kung bababuyin lamang ang mga Pinoy Workers.
Agad namang humingi ng dispensa ang pangulo kung mahihirapan man ang ilang Pinoy workers na makahanap ng trabaho.
The ban will continue and it will extend to other countries. Mahirapan sila, well, humihingi na ako ng tawad sa inyo. I will not allow… Hindi… Wala akong kaplano na ipadala kayo doon tapos babuyin kayo. Hindi ko style ‘yan. Magalit kayo nang magalit sa akin tutal — basta ako trabaho lang. Mawala na ako sa politika. Wala na talaga. I’m done and wala na akong ambisyon,” ayon sa pangulo
Kasabay nito umapela si Pangulong Duterte hindi lamang sa Kuwait kundi maging sa buong mundo na tratuhin ng maayos ang mga Pinoy workers dahil hindi alipin ninuman ang mga Filipino.