2 patay sa engkwentro ng militar at NPA sa Zamboanga del Norte
Patay ang isang sundalo at isang hinihinalang miyembro ng New People’s Army (NPA) sa sumiklab na engkwentro sa pagitan ng tropa ng gobyerno at rebeldeng grupo sa bayan ng Sergio Osmeña sa Zamboanga del Norte, araw ng Sabado.
Ayon kay Philippine Army 53rd Infantry Battalion commander Lt. Col. Marlowe Patria, nagsasagawa ng combat operation ang mga sundalo sa Barangay San Isidro nang makasagupa ang mga komunistang rebelde.
Ang isinagawang operasyon na pinangunahan ni 1Lt. Abner Pilnado ay bunsod aniya ng mga napaulat na pang-aabuso ng mga rebelde sa mga residente ng naturang barangay.
Sa 15-minutong sagupaan, sinabi ng opisyal na nasawi si Sgt. Rolly Barimbao at isang hindi pa nakikilalang rebelde.
Sa ngayon, patuloy pa rin aniya ang pursuit operations sa lugar.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.