Duterte, handang ibenta ang kaluluwa para sa mga OFW
Ibebenta ni Pangulong Rodrigo Duterte ang kanyang kaluluwa sa mga demonyo matiyak lamang na matutustusan ang pangangailangan ng mga nagsiuwiang Filipino Workers mula sa bansang Kuwait.
Sa talumpati ng pangulo sa oath taking ng mahigit isandaang presidential appointees, sinabi nito na hindi niya masikmura ang ginawang pangmamaltrato at panggagahasa ng mga mga dayuhang employer sa mga Pinoy workers.
Dagdag ng pangulo, hindi siya mag aautubili na ubusin ang pondo ng gobyerno para sa mga OFW.
Iginiit pa ng pangulo na hindi naman niya pag-aari ang pera ng bayan kung kaya marapat lamang na gastusin ito para sa taumbayan.
Kasabay nito, ibinunyag ng pangulo na mayroong tatlong Kuwaiti officials ang naghihintay sa kanya para ayusin ang isyu sa Pinoy workers sa Kuwait.
Ayon sa pangulo, hahayaan niyang maghintay ang mga Kuwaiti officials dahil wala na siyang gana pang kausapin ang mga ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.