Tropical storm Basyang, bahagyang bumagal, signal #1 nakataas sa 14 na lugar sa bansa
Bumagal ang pagkilos ng Tropical storm Basyang ang habang papalapit sa Mindanao.
Ayon sa pinakahuling weather update ng PAGASA, namataan ang bagyo sa layong 690 kilometro sa Silangan ng Hinatuan, Surigao del Sur.
Taglay ng bagyo ang lakas ng hanging aabot sa 65 kilometro kada oras malapit sa gitna at pagbugsong aabot sa 80 kilometro kada oras.
Kumikilos ito pa kanluran – hilagang kanluran sa bilis na 25 kilometro kada oras.
Inaasahan pang babagal ito habang papalapit sa Caraga region.
Bukas ito inaaasahang tumama sa rehiyon kung hindi magbabago ang bilis nito.
Nakataaas ang Tropical Cyclone Signal No. 1 sa mga sumusunod na lugar:
- Southern Leyte
- Bohol
- Dinagat Islands
- Surigao del Norte
- Surigao del Sur
- Agusan del Norte
- Agusan del Sur
- Camiguin
- Compostella Valley
- Davao Oriental
- Davao del Norte
- Misamis Oriental
- Lanao del Sur
- Bukidnon
Posibleng lumabas ito ng Philippine Area of Responsibility (PAR) madaling araw ng Biyernes
Samantala, nakakaapekto naman ang Northeast monsoon sa hilagan bahagi ng Luzon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.