2 patay kabilang ang isang sanggol sa pagsalpok ng bus sa puno sa CamSur

 

Patay ang isang limang buwang gulang na sanggol at isang ginang matapos sumalpok sa puno ang isang pampasaherong bus sa Del Gallego, Camarines Sur.

Samantala, pito katao naman ang sugatan dahil sa insidente, at ang ilan sa kanila ay sinasabing nasa kritikal na kondisyon

Ayon sa ibang mga pasahero, mabilis ang pagpapatakbo ng driver sa bus at walang habas na lumiko sa kurbada ng kalsada nang mangyari ang aksidente.

Tumakas ang driver pagkatapos nito, ngunit kalaunan din ay sumuko sa mga otoridad.

Hindi pa naman nakikilala ang babaeng nasawi sa aksidente.