1 patay, 12 sugatan sa knife attack sa loob ng mall sa China
Patay ang isang babae samantalang sugatan ang labindalawang iba pa sa insidente ng ‘knife attack’ sa isang mall sa Beijing, China.
Naganap ang panghahalihaw ng patalim ng hindi kinilalang suspek sa loob ng Joy City Mall sa Xidan Xicheng district, Linggo ng hapon.
Sa inisyal na impormasyon, bigla na lamang umanong naglabas ng patalim ang 35-anyos na suspek at biglang hinabol ng saksak ang lahat ng kanyang makita sa loob ng mall.
Bukod sa babaeng nasawi, nasugatan rin sa tama ng patalim ang tatlong lalake at siyam na babae na agad nadala sa pagamutan.
Nang madakip, agad na umamin ang salarin sa kanyang ginawa bagama’t hindi pa matukoy ang motibo nito sa pananaksak.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.