Grupong Pro-Life, pinaiiwas ang publiko sa HIV/AIDS ngayong Valentine’s
Umikot ngayong araw sa Luneta Park sa Maynila ang grupong Pro-Life Philippines para himukin ang publiko na lumayo sa banta ng human immunodeficiency virus at acquired immune deficiency syndrome (HIV/AIDS).
Sa kanilang pag-iikot, namigay ang grupo sa mga taong namamasyal ng mga candy na mayroong kalakip na mensahe tungkol sa pag-iwas sa HIV/AIDS.
Mayroon namang ibang mga leaflet kung saan nakasaad na dapat irespeto ang karapatan ng mga kababaihan.
Bukod pa dito, namahagi rin ng leaflet ang Pro-Life na dapat ay umiwas ang publiko sa pornography o mga malalaswang palabas at pelikula. Ayon pa sa grupo, dapat ay panatilihin ng publiko ang kanilang pananampalataya para lumayo sa tukso.
Ayon kay Anthony James Perez ng Pro-Life, layunin nila na makatulong sa maliit na paraan sa lumalaking bilang ng mga nagkakasakit ng HIV/AIDS at paglobo ng unwanted pregnancy sa Pilipinas.
Sa datos ng Department of Health (DOH) noong 2016, nasa 10,500 na mga Pilipino na ang mayroong sakit na HIV.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.