Pagpapabilis sa proseso ng pag-aampon isinusulong ni Sen. Poe
Balak ni Senador Grace Poe na maghain ng panukalang batas na magpapabilis sa proseso ng pag-aampon sa bansa.
Sa isang pahayag, ipinaliwanag ng senadora na magiging “administrative in nature” na lamang ang pag-aampon. Ibig sabihin, hindi na kakailanganin pang dumaan nito sa korte.
Sa ngayon kasi, sumasailalim sa kapwa judicial at administrative procedures ang pag-aampon na madalas ay mabagal na proseso. At dahil nagkakaroon pa ng judicial process ay nagiging mahal ang pag-aampon.
Samantala, ayon naman kay Department of Social Welfare and Development (DSWD) officer-in-charge Emmanuel Leyco, handa ang kagawaran na ipatupad ang panukala ng senadora sa oras na maging isa na itong ganap na batas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.