Pinataob ng Rain or Shine ang Magnolia sa iskor na 101-95 sa kanilang laban sa PBA Philippine Cup.
Ito na ang ikatlong sunod na panalo ng Rain or Shine na umangat sa ikaapat na pwesto sa win-loss record na 5-3.
Habang pinatikim naman ng koponan ng ikalawang sunod na talo ang Hotshots dahilan para bumaba ito sa pwesto sa record na 6-3.
Second quarter pa lamang ay pinakita na ng Rain or Shine ang kanilang lakas matapos magpatikim ng 16-4 na iskor para tapusin ang first half ng laban para maitala ang 47-35 na pagitan.
Pinangunahan ni Raymond Almazan ang Rain or Shine sa kanyang 23 puntos at six rebounds habang nakadagdag naman si James Yap ng 13 points, five rebounds at 3 assists.
Nanguna naman para sa Hotshots si Adrech Ramos sa kanyang 27 points.