Limang katao arestado sa drug buy-bust sa San Mateo, Rizal

Arestado ang limang katao sa ikinasang operasyon ng pulisya sa San Mateo, Rizal.

Sa ulat ng Calabarzon Police, ang mga nadakip na suspek ay sina n Kerwin Tumuran, Jeffrey Oblea, Jonathan Matamis, Wilbert Nazareno, at Lester Punez.

Isinagawa ng mga otoridad ang buy-bust operation sa isang bahay sa Tierra Monte Subdivision sa Barangay Silangan alas 3:30 ng madaling araw.

Nang mag-positibo ang operasyon, dinakip ang lima na hindi naman na nagawang pumalag pa.

Nakuha mula sa mga suspek ang apat na sachet ng shabu, dried marijuana, at P500 marked money.