Mga open pit mining, pinabobomba ni Pangulong Duterte sa Air Force

Inatasan ni Pangulong Rodrigo Duterte ang pamunuan ng Philippine Air Force na bagsakan ng bomba ang mga open pit mining sa bansa.

Sa pakikipagpulong kagabi ng pangulo sa mga nagbalik-loob na rebelde, sinabi nito na hindi niya maatim na makita ang nga kabundukan na mistulang nakatihayang tansan.

Dagdag ng pangulo, mahigpit ang kanyang bilin kay Environment Secretary Roy Cimatu na huwag payagan ang open pit mining sa Pilipinas.

Nakadidismaya ayon sa pangulo na dahil sa pagmimina ay pinuputol ang mga punong kahoy dahilan kung kaya nakakalbo ang kagubatan.