Meralco, magpapatupad na ng dagdag-singil ngayong buwan

May dagdag singil sa kuryente ang Meralco ngayong buwan ng Pebrero.

Ayon sa MERALCO, ang dagdag singil ay dahil sa pagbalik sa normal ng presyo ng kuryente sa mga power plants mula sa mas mababang halaga nito noong Disyembre at Enero.

Dagdag pa dito ang pag-iral ng VAT sa transmission charge dahil sa TRAIN law at ang paghina ng halaga ng piso kontra dolyar.

6 centavos bawat kilowatt hour ang posibleng dagdag ngayong buwan.

Gayunman, bukas pa araw ng Huwebes, iaanunsyo ng Meralco ang aktwal na halaga ng dagdag at ang halaga ng magiging epekto nito sa bill ng consumers.